"Луна-2"5 автомат станцыг Сою з-2.1б зөөгч пуужингаар 8-р сарын 11-нд хөөргөхөөр төлөвлөж байна гэж "Роскосмо"с төрийн корпорац вэбсайтдаа мэдээлэв.
"Луна-25" автомат станцыг Оросын орчин үеийн түүхэнд анх удаа сар руу илгээх гэж буй нь энэ юм" гэж дээрх мэдээнд онцолжээ.
Тус станц нь сарны хөрсийг цуглуулж, шинжилэхээс гадна сарны өмнөд туйлын районы реголитийн гадаргуугийн дээд давхаргыг судлах зэрэг урт хугацааны шинжлэх ухааны судалгаа хийх даалгавартай байх юм.
"Станцыг саран дээр буулгахын тухайд гэвэл "Луна-25" өмнөх үеийнхээ станцуудаас эрс ялгаатай. Тодруулбал, Зөвлөлтийн үеийн станцууд сарны экваторын бүсэд газардаж байсан бол шинэ станц нь хэцүү газар нутагтай, туйлын бүсэд зөөлөн буулт хийх ёстой" гэж Роскосмос мэдэгдэв.
8-р сарын 3-нд "Луна-25"-ын нислэгийн үргэлжлэх хугацаа 4.5 орчим хоног байх бөгөөд станцын шинжлэх ухааны ажил нэг жил үргэлжилнэ гэж мэдээлсэн.
Түүнчлэн ОХУ 2027, 2028 онд Луна-26, Луна-27 станцыг сар руу илгээх бөгөөд Луна-27 станцыг сарны хөрсний өрөмдлөгийн төхөөрөмжөөр тоноглох болно.
ОХУ хамгийн сүүлд 1976 онд сар руу станц илгээж байв. Энэхүү даалгаврын дараа буцах аппарат 170 гр орчим сарны хөрсийг дэлхийл авчирч байсан юм.
Өмнө нь 5-р сарын 30-нд Роскосмос "Луна-25" автомат станцыг 8-р сард хөөргөх бөгөөд энэ нь буух үед "газрын удирдлагын тогтвортой ажиллагааг хангах нэмэлт арга хэмжээ" шаардлагатай гэж мэдэгдсэн. Энэхүү төхөөрөмж нь сансрын нислэгийн түүхэнд анх удаа сарны өмнөд туйлын ойр орчимд хүнд нөхцөлд газардах юм.
Дөрөвдүгээр сарын 10-нд Оросын ШУА-ийн Сансар судлалын хүрээлэнгийн захирал Анатолий Петррукович "Луна-25" хөөргөх төсөл нь Европын сансрын агентлагийн (ESA) оролцоогүйгээр дангаар хэрэгжиж байгааг онцлон тэмдэглэж байв.
Эх сурвалж: Iz.ru
