- Технологийн салбарын тэрбумтнууд зургаадугаар сард дэвжээн дээр тулалдана хэмээн мэдэгдсэн
- Илон Маск тулаанаа "Х"-ээр шууд дамжуулж, ашгийг нь хандивт өгнө хэмээв
Технологийн салбарын тэрбумтнууд болох Илон Маск, Марк Зукерберг нар зургаадугаар сарын сүүлээр дэвжээн дээр тулалдана хэмээн цахим орныг шуугиулаад байсан.
Тэгвэл Илон Маск өчигдөр “Х” буюу хуучнаар Твиттер хуудсандаа “Бидний тулааныг “Х”-ээр шууд дамжуулна. Олсон ашгийг бүгдийг нь хандивт өгөх болно” хэмээн нийтлэв.
Харин хариуд нь Марк Зукерберг саяхан гаргасан Threads-дээ “Хандив цуглуулах арай өөр найдвартай платформ ашигласан нь дээр биш үү” хэмээн хариу пост бичсэн байна.
Илон Маск анх тулалдах санал тавихад Зукерберг наймдугаар сарын 26-нд тулалдъя гэсэн ч Маскийн зүгээс үүнд одоо хүртэл хариу хэлээгүй байгаа аж.
Тэдний жинхэнээсээ тулалдах эсэх нь тодорхойгүй байгаа ч хоёр тэрбумтны дэвжээн дээр тулалдах тухай нийтлэлүүд олны анхаарлыг ихээхэн татаад байгаа юм.
Эх сурвалж: Ассошиэйтед Пресс
