Москва хотын шүүх улс төрч Алексей Навальныйд 19 жилийн хорих ял оноолоо. Шүүх хурал нууцын зэрэглэлтэй явагдсан. Зургадугаар сарын 19-нд эхэлсэн шүүх хурал нэг сар үргэлжилсэн бөгөөд бүх хурал хаалттай боллоо.
Долдугаар сарын 20-нд прокурор залилангийн хэргээр есөн жилийн ял эдлээд байгаа Навальныйг дахин онцгой дэглэмтэй хорих ангид 20 жил хорих ял төлөвлөсөн бөгөөд энэ хугацааг өмнөх ялын хугацааны нийлбэр дээр хэсэгчлэн нэмж тогтоолгох хүсэлт гаргасан.
Тусгай дэглэмтэй колони бол хамгийн хүнд нөхцөлтэй хорих анги юм. Тэнд ОХУ-ын Эрүүгийн хуулийн дагуу бүх насаар нь хорих ял шийтгүүлсэн, эсвэл "онцгой аюултай гэмт хэрэг дахин үйлдсэн" хүмүүсийг илгээдэг .
“Онцгой дэглэмтэй колонид 19 жил. Тоо хамаагүй... Би улс төрийн хоригдлуудын нэгэн адил бүх насаараа хорих ял эдлэх гэж байгааг маш сайн ойлгож байна. Эрх мэдлийг булааж авсан урвагч, хулгайч, новшийн бүлэглэлд Орос орныг тэмцэлгүйгээр өгөхийг тулгаж байна. Путин зорилгодоо хүрэх ёсгүй. Эсэргүүцэх хүслээ бүү алдаарай "гэж тэрбээр хэлжээ.
Навальныйг ОХУ-ын Эрүүгийн хуулийн долоон зүйл ангиар буруутгаж, хамгийн хүнд нь буюу хэт даврагч бүлэглэл үүсгэсэн гэж буруутгасан юм.
Нэмж дурдахад Навальныйг сөрөг хүчнийг хэт туйлшралд уриалсан, хэт даврагч үйл ажиллагаанд оролцсон, иргэдийн эрх ашгийг зөрчсөн төрийн бус байгууллага байгуулсан, хэт даврагч үзлийг санхүүжүүлсэн, өсвөр насныхныг аюултай үйлдэлд татан оролцуулсан, нацизмыг сэргээсэн зэрэг хэрэгт буруутгаж байгаа юм.
Эх сурвалж: ВВС
