НЗДТГ, Нийслэлийн Аялал жуулчлалын газраас Монголын бурхан шашинтны төв Гандантэгчэнлин хийдтэй хамтран зохион байгуулж буй “Монголчуудын өв соёлын Даншиг наадам-Хүрээ цам 2023” Хүй долоо худагт өчигдөр эхэлсэн билээ.Харамсалтай нь өчигдөр орой гэнэт их хэмжээний бороо орон, уулын үер буун, нийт 4 хүн амь эрсдэж, Баянзүрх, Сүхбаатар дүүргийн нутаг дэвсгэр дэхь 97 айл өрх, хашаа байшин, 105 автомашин үерт автаад байна. Нийслэлийн Засаг Дарга Д.Сумьяабазар, Нийслэлийн Засаг Даргын Орлогч З.Төмөртөмөө нар ч үер болсон тухай мэдээлэл авмагцаа Даншиг наадмыг орхин, гамшгийн бүсэд ажиллаж эхэлсэн билээ. Гэвч лам нарын төлөөлөл даншиг наадмыг хэвийн үргэлжлүүлэх ёстой гэсэн санал гаргасан байна. Шарын шашины лам нарт байгалийн гамшиг буюу үерийн аюул, Монгол хүний амь нас үрэгдэх эсэх нь чухал биш Төвд гэх харь орны шашины элдэв зан үйл, балингийн тэмцээн нь л ач холбогдолтой бололтой.
