БНСУ-ын автомашин үйлдвэрлэгч Hyundai болон Kia компаниуд гал гарах эрсдэл бүхий 91 мянган шинэ автомашинаа АНУ-ын зах зээлээс эргүүлэн татахаар болсон байна.
Үүнд, 2023-2024 оны Hyundai Palisade, 2023 оны Tucson, Sonata, Elantra, Kona, 2023-2024 оны Seltos, 2023 оны Kia Soul болон Sportage зэрэг загварууд багтжээ.
Hyundai, Kia компаниуд эргүүлэн татах болсон шалтгаанаа тайлбарлахдаа автомашин зогсоход хөдөлгүүрийг автоматаар зогсоодог систем болох ISG шатахууны насосны цахилгаан хянагч дахь зарим эд ангиуд гэмтэлтэй байж болзошгүйн улмаас хэт халалт үүсэх эрсдэлтэй гэж үзсэн байна.
Дээрх компанийн дилерүүд хэрэглэгчдэд хандан "автомашинд тань асуудал байгаа эсэхийг шалгаж, шаардлагатай бол шатахууны насосны цахилгаан хянагчийг сольж өгөх болно гээд дээр дурдсан загварын тээврийн хэрэгсэл эзэмшигчдийг засвар үйлчилгээ авах хүртлээ автомашинаа гадаа зогсоол дээр байрлуулаарай" гэж хүссэн байна.
Эх сурвалж: YTN
