ОХУ-ын Ерөнхийлөгч В.Путин ОХУ-ын Аюулгүйн зөвлөлийн гишүүдтэй тус улсын дотоодын тогтвортой байдлыг бэхжүүлэх талаар ярилцжээ. Уулзалт наймдугаар сарын 4-ний баасан гарагт болсон байна.
"Өнөөгийн нөхцөлд дотоод тогтвортой байдлыг бэхжүүлэх зарим асуудлыг хэлэлцэнэ" гэж уулзалтын эхэнд төрийн тэргүүн хэлэв.
Уулзалтын үеэр Холбооны аюулгүй байдлын албаны (ФСБ) тэргүүн Александр Бортников, Гадаад тагнуулын албаны дарга Сергей Нарышкин, Дотоод хэргийн сайд Владимир Колокольцев нар илтгэл тавив.
Үүнээс гадна Ерөнхий сайд Михаил Мишустин, Холбооны зөвлөлийн дарга Валентина Матвиенко, Төрийн Думын дарга Вячеслав Володин, Аюулгүйн зөвлөлийн орлогч дарга Дмитрий Медведев, Ерөнхийлөгчийн Тамгын газрын дарга Антон Вайно нар хуралд оролцсон байна.
Уулзалтад мөн Аюулгүйн зөвлөлийн нарийн бичгийн дарга Николай Патрушев, Ерөнхийлөгчийн Байгаль орчин, экологи, тээврийн асуудал хариуцсан тусгай төлөөлөгч Сергей Иванов нар байлцсан тухай мэдээлжээ.
Эх сурвалж: Iz.ru
