«Оленегорский горняк» хөлөг онгоц
Баасан гарагийн шөнө тэнгисийн цэргийн дронууд Новороссийск дахь Оросын тэнгисийн цэргийн бааз руу дайрчээ. Дайралтын үеэр Оросын “Оленегорский Горняк” десантын хөлөг онгоц гэмтсэн байх магадлалтай байна.
Баасан гарагийн өглөө Новороссийскийн онцгой байдлын алба тус хотын усан бүс болон Мысхако тосгонд буудалцаан, дэлбэрэлт болсон талаар мэдээлэв.
Үүний дараа Украины тэнгисийн цэргийн нисгэгчгүй онгоцууд Тэнгисийн цэргийн баазыг дайрсан гэж ОХУ-ын Батлан хамгаалах яам мэдэгдэв.
Новороссийск хотын дарга Андрей Кравченко "Оленегорский Горняк", "Суворовец" хөлөг онгоцны багийнхан нэн даруй хариу арга хэмжээ авч, усны дроны халдлагын үр дагавраас зайлсхийсэн" гэж мэдэгдэв.
Уг халдлагыг Украины Аюулгүй байдлын алба тэнгисийн цэргийн хүчинтэй хамтран үйлдсэн гэж ВВС News-ийн Украин дахь эх сурвалж мэдээлэв. Гэхдээ албан ёсоор Киев хариуцлага хүлээгээгүй.
Эх сурвалжийн мэдээлснээр "Оленегорский Горняк” хөлөг онгоц эвдэрсэн байна. Халдлагын тухай анхны мэдээллүүд гарсны дараа чирэгч хөлөг онгоц “Оленегорский Горняк” хөлөг онгоц руу дөхөж байгаа бичлэг нийтлэгджээ. Энэ хооронд Новороссийск боомтод хөлөг онгоцны хөдөлгөөнийг түр хугацаагаар хориглосон байна.
Оросын хөлөг онгоцонд анхны цохилтыг 2022 оны зун дроноор хийсэн. Гэсэн хэдий ч тэнгисийн цэргийн тулалдааны хувьслын шинэ үе шат эхэлж байна. Тодруулбал, дроны оронд жижигхэн жолоодлогот завьнууд хүчирхэг зэвсэг бүхий том хөлөг онгоц руу довтолж гэмтэл учруулж байна.
Одоо ийм завины аяллын зай нь Украины Зэвсэгт хүчний хяналтанд байдаг эргээс Хар тэнгисийн аль ч хэсэгт хүрэхэд хангалттай юм.
Украины ийм дрон завьнуудыг судалсан CNN-ийн сэтгүүлчид тэд 800 км хүртэл тусгалтай, 300 кг хүртэл тэсрэх бодис тээвэрлэж чадна гэжээ. Энэ нь нэлээд их хүчин чадал бөгөөд харьцуулбал Оросын ТЭ-2 торпедогийн байлдааны хошуу 250 кг жинтэй байдаг.
Новороссийскийн боомт руу маш олон хөлөг онгоц ирдэг тул иргэний ачааны хөлөг онгоцыг андуурч мөргөхгүйн тулд байг зөв сонгох шаардлагатай байгаа аж.
Нөгөөтэйгүүр, ийм цохилтыг том амжилт гэж нэрлэж болохгүй. "Горняк" живээгүй, магадгүй хэдэн сарын дотор засварлах болно.
Оросын Тэнгисийн цэргийн хүчин ийм алдагдлаас болж сулрах магадлал багатай. Гэсэн хэдий ч энэ халдлага нь Украины Тэнгисийн цэргийн хүчин чадал, Оросын хөлөг онгоцны эмзэг байдлыг харуулж байна. Далайн нисгэгчгүй онгоцууд нь шинэ аюул заналхийлэл бөгөөд үүний эсрэг тактик боловсруулж, хариу арга хэмжээ авах шаардлагатай байгаагйн нотолгоо болов.
Эх сурвалж: ВВС news
