Өнгөрсөн сонгуулиудаар 60 тэрбумын схемын тухай бичлэг тараана гэж олны анхаарлыг татаад байсан Г.Доржзодов гэж хэн байсныг бид тухайн үедээ ам уралдан шаагилдаад мартсан. Тэрээр дэлгүүр дээрэмдэж, худалдагчийг нь газдаж, зодон 230 мянган төгрөгийн үнэ бүхий зүйл авч зугтаагаад цагдаад баригдсан, мөн бусдын гар утсыг хулгайлан баригдаж байсан этгээд. Тэрчлэн олны анхаарлыг сонгуулийн хар машиныг шүүмжлэсэн баримтгүй яриагаар өөртөө татсан иргэн Г.Ган-Очир түүний замналаар замнасан гэхэд хилсдэхгүй. Хүний өвлийн байшинг галдан шатаачихаад зугтсан ч баригдсан. Муу эр эмд гэгчээр тэрээр ханилж суусан эхнэрээ нүд хальтрам болтол зодчихоод худал хэлж байна хэмээн мэлзсэн ч францын шүүх түүнийг яллан хорьсон байдаг. Дээрэмчдийн залгамж тасрахгүй, бүр шат ахиж, шантаажчин болж буйг зарим залуус сошлоор харуулаад байна. Мөн иргэн О.Отгонтөгс гэхэд л түмэнд таалагдах гэж лайваар хүн загнадаг болж. Шудрага дүр үзүүлэгч түүний хувьд хүчин мөхөс эмэгтэйчүүдийг дээрэмдэж, шүүхээр ял шийтгүүлж байсан гэмт хэрэгтэн. Энэ мэт залуус гараа хөдөлгөж ажил хийж байхаар амаа хөдөлгөж шантааж хийж амар амьдрая гэж боддог болсон нь дээрэмчид шантаажчид болж байгаагийн илрэл буй за. Сайн нэрийг хүсэвч олохгүй, муу нэрийг хусавч арилахгүй гэдэг дээ.
Эх сурвалж: Өмгөөлөл
