“Даншиг наадам-Хүрээ цам 2023” долоо дахь жилдээ зохион байгуулагдах гэж байна. Монголын соёл, шашны зан үйл, өв уламжлалыг хадгалсан, өвөрмөц онцлогтой энэхүү наадмаар дамжуулан, монголчуудын өв соёлыг таниулах, аялал жуулчлалыг хөгжүүлэх зорилготой аж. Түүнчлэн энэ жилийн даншиг наадмыг “City Of Nomads” уриан дор зохион байгуулах юм. Даншиг наадамд Буриад, Өвөрмонгол, Халимаг, Тува, Дээд Монголоос эрдэмтэн судлаачид, зочид, төлөөлөгчид, уран бүтээлчид, үндэсний спортын тамирчдыг урин оролцуулж, шашин, соёл, уламжлалын өвөрмөц онцлогийг харуулсан тоглолт, уралдаан, гэрэл зургийн үзэсгэлэн, эрдэм шинжилгээний хурал зэрэг олон төрлийн үйл ажиллагааг зохион байгуулж буйгаараа онцлог.
“Даншиг наадам-Хүрээ цам 2023” наадмын хүрээнд наймдугаар сарын 5-ны 20.00 цагт Хүй долоон худагт зохион байгуулах “City Of Nomads монгол туургатны уран бүтээлчдийг танилцуулж байна.
