МоАХ-ны дарга Д.Монголхүүгийн гэрт урд шөнө нүүрээ битүү халхалсан, үл таних этгээдүүд нэвтэрч, биед нь халдсан талаар тэрбээр өөрийн цахим хуудаст бичиж дөнгөж сая "live" хийлээ. Тэрбээр:
"Урд шөнө хаалга цохиод Д.Монголхүү ахаа та юмаа мартчихаж гэсэн гурван залуу гэр рүү нэвтэрч оронгуутаа цээж рүү жийж унагаад хоёр өшиглөөд барьж авах завдалгүй зодчихоод зугтчихлаа. Ийм дээрээ тулж байгаа бол одоо амиа хамгаалж гар буу, хутга халааслаж явж байхаа хэлчихье. Тэр гурав одоо миний ФБ, твиттерыг сахиад сууж байгаа байлгүй." гэжээ.
Мөн тэрбээр цахим хаяг, чатаар сүүлийн үед МоАХ-ны ажлаа өг, савраа тат гэх агуулгатай заналхийлэл ирж байгаа талаар мэдэгдэж, Уг хэргийн ард Женко байгаа гэх хардлага байгаагаа илэрхийллээ. Энэ талаараа хууль хяналтын байгууллагад мэдүүлэг өгөхдөө тэмдэглүүлнэ хэлнэ гэлээ.
Уг асуудлаар иргэн Д.Монголхүү Баянгол дүүргийн цагдаад гомдол гаргана гэдгээ мэдэгдэж цагдаагийн хэлтэс рүү орлоо.
