Үндэсний статистикийн хорооноос өнөөдөр /2022.05.17/ Монгол Улсын гадаад худалдааны эхний дөрвөн сарын байдлын статистик үзүүлэлтийг мэдээллээ.
Экспорт өмнөх сараас 138.1 (18.7%) сая америк доллароор, импорт 5.7 (0.9%) сая америк доллароор тус тус өссөн байна.
Харин Монгол Улс 2022 оны эхний дөрвөн сард нийт 134 улстай худалдаа хийж, гадаад худалдааны нийт бараа эргэлт 5.1 тэрбум америк доллар, үүнээс экспорт 2.8 тэрбум америк доллар, импорт 2.3 тэрбум америк доллар байна. Нийт бараа эргэлтийн хэмжээ өмнөх оны мөн үеэс 690.8 (15.5%) сая америк доллароор, экспорт 302.7 (12.1%) сая америк доллароор, импорт 388.1 (19.8%) сая америк доллароор тус тус өссөн үзүүлэлттэй байна.
