Түлэнхийн төвийн газар дээр барьсан барилгыг нураах шаардлагыг өнөөдөр иргэн О.Энхмаа хотын даргад хүргүүллээ.
Тэрбээр “Түлэнхийн эмнэлгийн газар дээр 12 давхар орон сууц баригдчихсан байгаа. 2004 оны байдлаар 16,400 мк.в талбайтай байсан газар өнөөдөр 7,332 м.кв болтлоо багасаж 9,500 мк.в нь хулгайлагдсан байна.
Энэ асуудлаар 2020 оны наймдугаар сард АТГ-т гомдол гаргаж улмаар хэрэг үүсгэсэн ч прокуророос удаа дараа хаасан. Тиймээс тус 12 давхар байшинг яаралтай нураах арга хэмжээг авахыг хотын даргад хүргүүлж байна.
Түүнчлэн Улаанбаатар хотын хэмжээнд байгаа бүх эмнэлгүүдийн газрын 40-60 хувь нь хулгайлагдаж хувийн зорилгоор ашиглагдсан байна. Жишээлбэл Хавдар судлалын үндэсний төвийн хашаан дотор хувийн эмнэлэг байна” гэлээ.
