Богдхан уулын дархан цаазат газар болон нийслэлийн суурьшлын бүсэд бамбай хоншоорт могой ихээр үзэгдэх болсон тул иргэдийг сонор сэрэмжтэй байхыг эрүүл мэндийн байгууллагаас анхаарууллаа.Он гарснаас хойш долдугаар сарын 20-ныг хүртэлх хугацаанд нийт 91,983 хүн ГССҮТ-ийн хүлээн авах яаралтай тусламжийн тасгаас тусламж үйлчилгээ авчээ. Үүнээс могойд хатгуулсан 29 хүн ирсэн байна. Могойд хатгуулсан иргэдийн 21 нь 1-14 насныхан бөгөөд хоёр хүн хэвтэн эмчлүүлжээ. Нийслэлд могойтой таарвал Байгаль орчны газрын 11-323780 дугаарын утсанд холбогдохыг санууллаа.
