Их Британийн Засгийн газраас хориг арга хэмжээ авсан Оросын тэрбумтнуудад царцаасан данснаасаа хэдэн зуун мянган доллар зарцуулахыг зөвшөөрөв. Энэ тухай өнгөрсөн пүрэв гарагт "The New York Times" сонин нэрээ нууцалсан ярилцагчийг өгсөн мэдээлэл болон зарим баримт бичгүүдээс иш татан мэдээлсэн байна.
Хориг арга хэмжээ авагдсан ч бизнес эрхлэгчдэд битүүмжилсэн хөрөнгийн зарим хэсгийг тусгай зөвшөөрөл хэлбэрээр ашиглах боломж олгосон байна. Зарим тохиолдолд Оросын тэрбумтнуудад жилд нэг сая гаруй доллар зарцуулах зөвшөөрсөн өгсөн гэжээ.
Жишээ нь, Альфа-Банкны үүсгэн байгуулагч Михаил Фридман 2022 онд жолооч, хувийн тогооч, цэвэрлэгч зэрэг 19 үйлчилгээний ажилтанд тусгай зөвшөөрлийг авчээ. Арван сарын турш ажилласан тэдний хөлс нь 300 мянган фунт стерлинг (350 мянган евро орчим) болжээ. Мөн Фридманд сард 7000 фунт (ойролцоогоор 8000 евро) гэр бүлийнхээ үндсэн хэрэгцээнд зарцуулахыг зөвшөөрсөн гэж NYT бичжээ. Фридманы хамтрагч Петр Авенд ч Их Британийн эрх баригчид сар бүр 60,000 фунт (70,000 евро) зарцуулах зөвшөөрөл баталсан аж.
Гол нь Их Британийн Засгийн газар эдгээр зардлыг батлахаасаа өмнө ямар хяналт шалгалт явуулсан нь тодорхойгүй байна. Михаил Фридман, Петр Авен нарын Оросын тэрбумтнууд 2022 оны хоёрдугаар сард Оросын цэргүүд Украинд нэвтэрсний дараахан Их Британи болон ЕХ-ны хориг арга хэмжээнд оржээ.
Эх сурвалж:DW.com
