Украины армийн их буучид Хойд Солонгост үйлдвэрлэсэн пуужингаар Оросын байрлал руу харвасан гэж Financial Times мэдээлэв.
"Financial Times" сонины сурвалжлагч Украины цэргүүд Хойд Солонгост үйлдвэрлэсэн "Град" харвах төхөөрөмжийн сум ашиглаж байгааг олж мэдсэн байна. Тэрээр энэ баримтыг Бахмутын ойролцоо олж тогтоосон бөгөөд үүнээс өмнө Запорожье мужийн өмнөд хэсэгт Умард Солонгост үйлдвэрлэсэн сум ашиглаж байгаа тухай баримт дурдагдаж байсан юм . Украины армийн цэргийн албан хаагчид энэ пуужингуудыг Хойд Солонгост үйлдвэрлэсэн сум ачсан хөлөг онгоцыг саатуулсан "найрсаг улс" тэдэнд өгсөн гэж мэдэгджээ.
Тэд БНАСАУ-ын пуужингууд ихэвчлэн буруу харвадаг, тэсэрч дэлбэдэггүй ч "ширхэг пуужиин ч хэрэгтэй байгаа" учраас ашиглаж байна гэж тайлбарлажээ. Түүнчлэн найдвартай ажиллагаа талаасаа бүр ч их учир дутагдалтай хэмээжээ.
Бахмут хотын ойролцоо “Град” олон харвах пуужингийн системийг ажиллуулдаг Украины Зэвсэгт хүчний цэргийн албан хаагчид FT агентлагийн сурвалжлагч нарт Хойд Солонгост үйлдвэрлэсэн сумуудыг үзүүлжээ.
Тэдгээрийн дийлэнх нь 1980-1990-ээд онд үйлдвэрлэгдсэн тэмдэглэгээтэй байсан гэжээ.
Эх сурвалж: Forbes.ru
