ОХУ-ын Ерөнхийлөгч асан Дмитрий Медведев "Киевийн сөрөг довтолгоо амжилттай болбол Москва цөмийн зэвсэг ашиглахаас өөр аргагүй" гэж өчигдөр мэдэгдэв.
Ерөнхийлөгч Владимир Путины тэргүүлдэг ОХУ-ын Аюулгүй байдлын Зөвлөлийн орлогч дарга Д.Медведев өөрийн албан ёсны цахим хуудсаараа дамжуулан “Хэрвээ НАТО-гийн дэмжлэгтэй довтолгоо амжилттай болж, тэд манай газрын нэг хэсгийг булаан авбал бид цөмийн зэвсгийн номлол, ОХУ-ын Ерөнхийлөгчийн зарлигийн дагуу цөмийн зэвсэг хэрэглэхээс өөр аргагүй болно" хэмээн мэдэгджээ.
Өөрийгөө Москвагийн хамгийн эелдэг дуу хоолой хэмээн тодорхойлсон Медведев Оросын эсрэг ердийн зэвсгээр түрэмгийлсний хариуд цөмийн зэвсгийг ашиглаж болно гэсэн Оросын цөмийн сургаалын нэг хэсгийг хэлж байгаа бололтой хэмээн "Reuters" мэдээлсэн байна.
ОХУ-ын Ерөнхийлөгч В.Путин өнгөрсөн бямба гаригт, сүүлийн өдрүүдэд тулалдааны талбарт ноцтой өөрчлөлт гараагүй, Украин зургадугаар сарын 4-нөөс хойш их хэмжээний цэргийн техникээ алдсан гэсэн бол Киевийн эрх баригчид болон цэргийнхэн газар нутгаа эргүүлэн авах ажиллагаанд бага ч гэсэн ахиц дэвшил гаргаж байна гэж мэдэгдэв.
Кремлийг шүүмжлэгчид өмнө нь Медведевийг барууны орнуудыг Украинд зэвсэг үргэлжлүүлэн нийлүүлэхийг эсэргүүцэн хэт туйлширсан мэдэгдэл хийсэн гэж буруутгаж байсан юм.
Эх сурвалж: Reuter
