Цөмийн зэвсгийн нөөц нь АНУ-ынхаас давж байгаа тул АНУ Оростой эвлэрэх шаардлагатай байна гэж АНУ-ын ерөнхийлөгч асан Дональд Трамп Пенсильвани мужид болсон дэмжгчдийнхээ цуглаан дээр мэдэгдэв.
Түүнчлэн экс ерөнхийлөгч хэрэв тэр төрийн тэргүүн хэвээр байсан бол Украинд мөргөлдөөн гарахгүй байсан гэдгийг дахин тэмдэглэв.
“Би түүнийг (ОХУ-ын Ерөнхийлөгч Владимир Путин) сайн таньдаг гэж хэлээд тэр аливаа хуурамч мэдээ мэдээллийг үзэн яддаг. Эвтэй байх сайхан. Тэд манайхаас илүү цөмийн зэвсэгтэй. Ойролцоогоор ижил, гэхдээ арай илүү. Та үүнийг төсөөлөөд үзээрэй" гэж тэр дэмжигч нартаа хандан хэлжээ.
Украины мөргөлдөөний улмаас АНУ "тэнэг бөгөөд аюултай" байдалд орсныг Трамп онцлоод, АНУ-ын засаг захиргаа Киевт туслахын тулд Европоос хэд дахин их мөнгө хуваарилж байгааг онцлон тэмдэглэв. Тодруулбал, тэд 25 тэрбум долларыг хуваарилсан бол АНУ 200 тэрбум доллар гэсэн тоо баримтыг тэрээр дурджээ.
Түүнчлэн экс ерөнхийлөгч хэрэв тэр төрийн тэргүүн хэвээр байсан бол Украины дайны асуудлар Путинд нөлөөлж чадах байсан гэжээ.
Трамп мөн АНУ-ын улс төрийн системийг өрөөсгөл, авлигад идэгдсэн гэж тодорхойлсон байна.
Дашрамд тодотгоход, АНУ, Орос хоёр дэлхийн нийт цөмийн зэвсгийн бараг 90 хувийг эзэмшдэг.
Стокгольмын Энх тайвны судалгааны хүрээлэнгийн (SIPRI) мэдээлснээр, 2023 оны нэгдүгээр сарын байдлаар АНУ байрлуулсан байлдааны хошууны тоог өнгөрсөн жил 1744 байснаа 1770, Орос 1588-аас 1674 болгон нэмэгдүүлсэн байна. Үүний зэрэгцээ Америкийн байлдааны хошууны нийт тоо өнгөрсөн оныхтой адил 3708 байгаа бол Орос улсад энэ нь 4477 нэгжээс 4489 болж өссөн байна.
Өнгөрсөн онд дэлхийн цэргийн зардал 2.24 их наяд ам.долларт хүрч дээд амжилт тогтоосон тухай SIPRI дөрөвдүгээр сарын сүүлчээр мэдээлсэн. АНУ хамгийн их буюу 877 тэрбум доллар (дэлхийн батлан хамгаалах зардлын 39%) зарцуулсан байна.
Мөн Европт цэргийн зардал хамгийн хурдан буюу жилд 13%-иар өссөн нь Хүйтэн дайнаас хойшхи хамгийн өндөр үзүүлэлт болов. Өнгөрсөн онд Оросын батлан хамгаалахын зардал 9.2%-иар өсч, 86.4 тэрбум ам.долларт хүрсэн бол Киевийн цэргийн зардал 640%-иар өсч 44 тэрбум долларт хүрсэн нь SIPRI-д бүртгэгдсэн улс орнуудын батлан хамгаалах зардлын хамгийн өндөр өсөлтийг харуулж байна.
Эх сурвалж: РБК
