НҮБ-ын Ерөнхий нарийн бичгийн дарга Антонио Гутерриш “Дэлхийн дулаарлын эрин үе дуусч, дэлхийн буцалж буй эрин ирлээ” гэжээ.
Энэ долдугаар сар дэлхийн түүхэн дэх хамгийн халуун сар байх нь гэдгийг НҮБ мэдэгдсэн байна. Дэлхийн цаг уурын байгууллага (ДЦБ) болон Европын дэлхийг зайнаас тандан судлах "Коперник" хөтөлбөрөөс өнгөрсөн пүрэв гарагт "Эхний гурван долоо хоногт дэлхийн агаарын дундаж температур олон бүс нутагт хэт халсны улмаас өнгөрсөн жилүүдийн дунджаас нэлээд давсан" гэж мэдээлэв.
Сүүлийн долоо хоногт, ялангуяа Газар дундын тэнгисийн бүс нутаг, АНУ-ын өмнөд хэсэг болон Хятадын зарим хэсэгт хэт халах байдал ажиглагдсан. Грек, Алжирт 40 хэмийн халуунаас болж ой хээрийн түймэр гарчээ. Хүний хүчин зүйлээс шалтгаалсан уур амьсгалын өөрчлөлтгүйгээр ийм халууныг бий болгох боломжгүй гэдэгт мэргэжилтнүүд итгэлтэй байна.
