Нигерт төрийн эргэлт хийсэн генерал Омар Тчиани өөрийгөө шилжилтийн үеийн Ерөнхийлөгчөөр зарлав. Тэрээр үндэсний телевизээр мэдэгдэл хийхдээ ингэж мэдэгдэв. Огцорсон Ерөнхийлөгч Мохамед Базум ордонд хамгаалалтад байгаа хэвээр байна.
Тчиани телевизээр хэлсэн үгэндээ, төрийн эргэлт хийх болсон шалтгаан нь Базумын Засгийн газрын алдаанаас болж улс орны үндэсний аюулгүй байдал, эдийн засгийн хямралд өртөж, авлига хээл хахуульд идэгдсэн гэж мэдэгджээ.
Омар (Абдурахман) Тчиани нь 2011 оноос хойш Нигерийн өмнөх Ерөнхийлөгч Махамаду Иссуфуугийн үед хамгаалалтын албаны даргаар ажиллаж байв. Харин одоогийн хорионд байгаа Мохамед Базум 2021 онд Ерөнхийлөгчөөр сонгогдсон юм.
Нигерт бослого долдугаар сарын 26-нд эхэлсэн бөгөөд Ерөнхийлөгчийн хамгаалалтын албаныхан Базум болон түүний гэр бүлийнхнийг оршин суугаа газартаа хөл хорионд байна. Эхэндээ хуйвалдагчдыг Ерөнхийлөгч Базум болон арми үндэсний гвардийн аль нь ч дэмжээгүй гэсэн мэдээ тарсан. Гэсэн хэдий ч хэдхэн цагийн дараа Базумыг нүүлгэн шилжүүлсэн гэсэн мэдээлэл гарчээ.
Jeune Afrique эх сурвалжийн мэдээлснээр, Базум Тчианийг ажлаас нь чөлөөлөхөөр төлөвлөж байсан нь бослогын шалтгаан болсон байж магадгүй юм.
Францын колони байсан Нигер бол Африкийн хамгийн ядуу орнуудын нэг юм. Тус улс байгалийн баялаг ихтэй. Тухайлбал, дэлхийн ураны нөөцийн 7 хувь тус улсад байдаг.
Эх сурвалж: Svoboda.org
