ОХУ-ын Ерөнхийлөгч Владимир Путин ОХУ-д хүйсээ солиулах мэс ажилбарт орох, эрүүл мэндийн байгууллага ийм төрлийн үйлчилгээ үзүүлэх болон иргэд албан баримт дээрх хүйсээ өөрчлөхийг хориглосон тогтоол гаргасан байна..
Энэхүү тогтоолыг парламентын дээд, доод танхим 100 хувийн саналаар дэмжсэн аж. Тогтоолд төрөлхийн гажиг засах зориулалтаар энэ төрлийн мэс ажилбар хийж болно гэж заажээ. Хэрвээ хүйсээ солиулан гэрлэлтээ батлуулсан бол хосуудын гэрлэлтийг хүчингүй болгож, трансжендер хүмүүс хүүхэд үрчлэн авах, бусдын хүүхдийн асран хүмүүжүүлэгч болохыг энэ сарын 24-нөөс бүрэн хоригложээ.
Үүнтэй зэрэгцээ ОХУ-ын өвчний ангилалд "транссексуализм" нь сэтгэцийн эмгэг гэж тооцогддог тул мэргэжилтнүүд хуулийн төслийг шүүмжилсэн байна. Тиймээс, "Ийм төрлийн хөндлөнгийн оролцоог хориглох нь хүйс солих, дааврын эмчилгээ хийлгэх нь тухайн хүнд эмнэлгийн тусламж үзүүлэхээс шууд татгалзаж байгаа хэрэг юм" гэж Оросын үндэсний сэтгэцийн эмгэг судлалын нийгэмлэгийн гүйцэтгэх захирал Любовь Виноградова тайлбарлав.
Эх сурвалж: www.rbc.ru
