Нийслэлийн иргэдийн хурлын төлөөлөгч М.Тулгат: Орчин үеийн хотуудад инженер, технологийн шийдлийн тусламжтайгаар иргэдийнхээ өмч хөрөнгийг хамгаалдаг. Гэтэл Улаанбаатар хотод стандарт алдагдаж байна. Нийслэлийн иргэдийн 74 хувь нь хотын даргыг хүсэхгүй байна. Судалгаагаар иргэд хотын даргаа өөрсдөө сонгомоор байна. Иймээс Д.Сумъяабазарыг огцоруулж, хариуцлага тооцох ёстой гэсэн албан ёсны шаардлагыг хүргүүлж байна.
Тодруулбал нэгдүгээрт, нийслэлийн А зэрэглэлийн болон нягтаршил ихтэй байршлуудад газар олгох, зориулалтыг нь өөрчлөх, барилга барих зөвшөөрөл олгохыг зогсоох журмыг АН-аас боловсруулсан. Энэ журмыг НИТХ-аар оруулж, батлуулах. Хоёрдугаарт, үер усны аюулын бүрэн дүгнэлт гаргаж, иргэд олон нийтэд нээлттэй тайлагнах. Үер усны аюулын шалтгаан болсон холбогдох албан тушаалтнуудын нэрийг зарлаж, хариуцлага тооцох. Гуравдугаарт, 2023 оны төсвийн тодотголыг яаралтай хийх. 2024 оны төсөвт гадаргын болон хөрсний ус, замын ус зайлуулах системийн доголдолыг арилгах, сэргээн засварлах төсвийг суулгаж өгөх. Дөрөвдүгээрт, байгалийн гамшигт хэмжээнд хүрээгүй хур тунадас, голын түвшний дээшлэлтэд бэлэн байдлыг хангаж ажиллаж чадаагүй хотын дарга Д.Сумъяабазарт хариуцлага тооцож, огцруулах асуудлыг НИТХ-аар хэлэлцүүлэх.
Нийслэлийн иргэдийн төлөөлөгчдийн хурал дахь АН-ын төлөөлөл "Хотын удирдлага гамшгийн бэлэн байдал хангаж, үүссэн асуудлыг шийдвэрлэж, нийслэлийн иргэдийн эрүүл, аюулгүй орчинд амьдрах үндсэн эрхийг хангаж чадахгүй байгаа асуудлыг хөндөж, Нийслэлийн Засаг дарга бөгөөд Улаанбаатар хотын захирагч Д.Сумъяабазарыг огцрох шаардлага хүргүүлж мэдэгдэл хийлээ.
