Увс аймагт зорчиж авсан автомашин онхолдож хоёр хүн амиа алджээ

Увс аймгийн Тариалан сумын Бургастай багийн Тошилтын хөтөл гэдэг газар суудлын автомашин автозамын зорчих хэсгийн хажуу тал руу онхолджээ. Тодруулбал, энэ сарын сарын 26-ны 02:56 цагийн орчимд Увс аймгийн Хяргас сумаас Улаангом сумын чиглэлд зорчиж явсан “Форд рэнжер” маркийн суудлын автомашин автозамын зорчих хэсгийн замын хажуу тал руу унаж жолооч 43 настай А, зорчигч 56 настай Х нар нас барсан байна. Харин зорчигч 31 настай С, 23 настай Б, 17 настай Ш, 14 настай Э нарыг Увс аймгийн нэгдсэн эмнэлэгт хүргэсэн байна. Иймд иргэд та бүхэн хөдөө орон нутагт зорчихдоо анхаарал болгоомжтой байхыг ТЦА-аас анхаарууллаа