ОХУ-ын Батлан хамгаалахын сайд Сергей Шойгу хоёр орны цэргийн харилцааг бэхжүүлэх зорилгоор Хойд Солонгост айлчилсан тухай тус яамны албан ёсны телеграм сувагт мэдээлэв. Пхеньяны нисэх онгоцны буудал дээр Шойгуг БНАСАУ-ын армийн генерал Кан Сун Нам болон хүндэт харуулын жагсаж угтан авсан гэж тэмдэглэжээ.
Оросын яамны мэдээлснээр Шойгу тэргүүтэй төлөөлөгчид "1950-1953 оны эх орны чөлөөлөх дайнд Солонгосын ард түмний ялалтын 70 жилийн ойд зориулсан" арга хэмжээнд оролцоно. Украинд дайн эхэлснээс хойш Пхеньян болон Москвагийн хоорондын цэргийн хамтын ажиллагаагаа идэвхжиж байгаа тухай АНУ тэргүүтэй барууны хэд хэдэн орны эрх баригчид удаа дараа мэдэгдсэн. Тодруулбал, БНАСАУ Оросын армид их бууны сум, техник нийлүүлдэг гэж мэдэгдсэн ч Хойд Солонгосын эрх баригчид үүнийг үгүйсгэдэг.
Өнгөрсөн намар Москвагийн зарласан Украины дөрвөн бүс нутгийг өөртөө нэгтгэснийг хүлээн зөвшөөрсөн гурван орны /ОХУ өөрөө, Сири/ нэг нь Хойд Солонгос юм.
Эх сурвалж: svoboda.org
