Хоёр Солонгосын дайн дууссаны 70 жилийн ойд зориулсан цэргийн жагсаал өнөөдөр БНАСАУ-д болно. Тус ойд оролцохоор ОХУ-ын Батлан хамгаалахын сайд Сергей Шойгу тэргүүтэй Оросын албаныхан өнгөрсөн мягмар гарагт Хойд Солонгост очсон тухай олон улсын хэвлэлүүд мэдээлсэн. Мөн энэхүү арга хэмжээнд хүндэт зочноор оролцохоор өчигдөр БНХАУ-ын албаныхан очсон байна.
Тэд БНАСАУ-д коронавирусын цар тахлын дараа айлчилж буй анхны төлөөлөгчид болж байгаа аж. Хэвлэл мэдээллийн хэрэгслүүд Дайн дууссаны 70 жилийн ойн энэхүү тэмдэглэлт өдрийн дараа Хойд Солонгос хилийн хоригоо цуцалж, коронавирусээс сэргийлэх хатуу журмаа хөнгөрүүлэх биз хэмээн бичиж байгаа юм.
