Монголын тэргэнцэртэй сэлэмний холбооны баг тамирчид энэ сарын 18-22-нд Таиландад зохион байгуулагдах Дэлхийн цомын тэмцээнд оролцохоор эх орноосоо мордлоо. Тус тэмцээн болон энэ спортын төрөлд Монгол Улс анх удаа оролцож буйгаараа онцлог бөгөөд түүхэн үйл явдал юм байна.
Тэргэнцэртэй сэлэмний Дэлхийн цомын тэмцээний үеэр паралимпын эрхийн оноо олгох бөгөөд тус тэмцээнд эрэгтэй хүнд сэлэмний төрөлд үндэсний чансааг тэргүүлж буй Б.Даваасүрэн, эмэгтэй хүнд сэлэмний төрөлд үндэсний чансааг тэргүүлж тамирчин Д.Цолмон өрсөлдөнө.
