- Тэд Солонгосын дайн дууссаны 70 жилийн ойн “Ялалтын баяр”-ын үйл ажиллагаанд оролцоно
- Хятадын элч, төлөөлөгчид мөн тус үйл ажиллагаанд оролцоно гэв
ОХУ-ын Батлан хамгаалах яамнаас сайд Сергей Шойгу болон бусад төлөөлөгчид Хойд Солонгост айлчлан очсоныг мэдээллээ. Тэд пүрэв гарагт болох 1950-53 оны Солонгосын дайн дууссаны 70 жилийн ойн “Ялалтын баяр”-ын үйл ажиллагаанд оролцохоор болжээ. Тус үйл ажиллагаанд Хятадын элч, төлөөлөгчид мөн оролцоно гэв.
Тус айлчлал “Хоёр улсын хамтын ажиллагаа, зэвсэгт хүчний бодлогыг чангатгахад хувь нэмэр оруулна” хэмээн ОХУ-ын Батлан хамгаалах яам мэдэгдсэн байна. Мөн Телеграм хуудсанд Хойд Солонгосын Батлан хамгаалахын сайд Кан Сун Нам Сергей Шойгуг угтан авч, мэндчилж буй бичлэгийг байршуулжээ.
Хойд Солонгосын хувьд цар тахалтай холбоотойгоор 2020 оноос хойш ойрын түнш болох Орос, Хятад болон бусад улсуудад хилээ хаагаад байсан юм.
Эх сурвалж: Ройтерс
