Уяачдын гурпп-д хотон шувууны хошуу зарах талаар нэгэн иргэн зар мэдээлэл оруулсан нь иргэдийн бухимдлыг ихээхэн төрүүлээд амжсан.
Тэгвэл тухайн иргэн "Э" гэгч Монголд хууль бусаар хотон шувуу агнаж, хошууг нь зарах гээгүй харин Казакстан Улсын иргэний хадгалж байсан хошууг дамнуулан худалдаалахаар төлөвлөж байсан байна. Мөн тэрхүү Казакстаны иргэн өөрийн нутаг дэвсгэрээсээ олж авсан хотон шувууны хошуу байсан гэдгийг цагдаагийн алба хаагчдад хэлжээ. Цагдаагийн алба хаагчид тухайн иргэнд уг үйлдлийн эрхзүйн хариуцлагыг танилцуулан, хууль бус үйл ажиллагаанд оролцохгүй байх талаарх зөвлөгөө мэдээллийг өгч, цахим сүлжээнд байршуулсан зарыг устгуулсан байна.
