Гурван настай хүү төрсөн эхийнхээ хамтран амьдрагчид зодуулсан хэрэг өнгөрөгч дөрөвдүгээр сарын 6-ны өдөр гарсан. Хүүг ухаангүй байхад нь ГССҮТ-д хүргэж өгөн, зугтаасныг Цагдаагийн байгууллагаас шуурхай ажиллагаа явуулан цагдан хорьсон.
Хохирогч хүү ГССҮТ-д сар хэвтэн эмчлүүлээд, БНТУ-ыг зорьсон. Хүү дараалсан мэс заслуудад орсон ч биеийн байдал сайнгүй байгааг ар гэрээс нь мэдээлж буй.
Харин бяцхан хүүг зодсон этгээдийг эрүүгийн тухай хуулийн 11.1, 12.1-ийн 4-т заасан үндэслэлээр шалгаж эхэлсэн.