Долоон машин мөргөж, хоёр хүн гэмтээсэн зам тээврийн ноцтой осол гаргасан Ч.Маралмаа цахим гав зүүж, зорчих эрхээ хязгаарлуулсан байх ёстой ч өдгөө эрх чөлөөтэй явж байгаа нь олон хүний анхаарлыг татаж, шүүмжлэл дагуулсан.
Энэ талаар шүүхээс мэдээлэхдээ "Ч.Маралмаа нь УДШ-д гомдол гаргасан. Ингэснээр анхан шатны шүүхийн шийдвэрийн биелэлт түдгэлзсэн байгаа. УДШ-ээс түүний гомдлыг хэлэлцэхээс татгалзсан байна лээ. Уг шийдвэр манай дээр албажиж ирсний дараа ажлын 5 өдөрт багтааж бид хүнээ нийслэлийн шүүхийн шийдвэр биелүүлэх газарт хүлээлгэн өгнө. Улмаар цахим гав зүүж, зорчих эрхийн хязгаарлалт хэрэгжиж эхэлнэ" гэсэн байдаг.
Тэгвэл УДШ-ээс гомдлоо анхан шатны шүүхэд хүргүүлсэн бөгөөд шүүх "Энэ долоо хоногтоо багтааж шүүхийн шийдвэр гүйцэтгэх газарт хүргэж өгнө" гэлээ.
