- Илон Маск Твиттерийн логог "Х" үсгээр солихоо мэдэгджээ
- Уг өөрчлөлтийн эртнээс хийх ёстой байсан гэв
- Түүний удирдлагаас хойш Твиттер зар сурталчилгааны орлогынхоо тал хувийг алдсан
Илон Маск Твиттерийн шувууны логог “Х” үсгээр солихыг хүсэж буйгаа мэдэгджээ. Тэрбээр Твиттер хуудсандаа “Бид Твиттер брэндийн шувуунуудад баяртай гэж хэлэх цаг боллоо” хэмээн жиргэсэн байна.
Илон Маск Твиттерийг өнгөрсөн оны 10 дугаар сард худалдан авмагцаа тус компанийн нэрийг “Х corp” болгон өөрчилсөн. Тэрбээр шинэ логоны талаар “Эртнээс уг өөрчлөлтийг хийх ёстой байсан” хэмээн хэлжээ.
Дөрөвдүгээр сард Твиттерийн логоны оронд хэсэг хугацаанд нохойны зураг байршуулсан. Энэ нь Dogecoin криптовалютын лого байсан юм.
Илон Маскийн хувьд Твиттерийг худалдан авсан цагаасаа хойш олон өөрчлөлт хийсэн. Тухайлбал, ажилчдын тал хувийг цомхотгож, хэрэглэгчдийн өдөрт унших жиргээний тоог хязгаарласан. Түүний удирдлагаас хойш Твиттер зар сурталчилгааны орлогынхоо тал хувийг алдсан.
Эх сурвалж: ВВС
