Орос улс РИА Новости агентлагийн цэргийн сурвалжлагч Ростислав Журавлевыг хөнөөсөн хэргийг буруушаахыг ЮНЕСКО-гийн удирдлагаас шаардана. Энэ тухай тус байгууллагын дэргэдэх ОХУ-ын байнгын төлөөлөгч Ринат Аляутдинов мэдэгдэв.
Аляутдинов хэлэхдээ, энэ асуудал нь тус байгууллагын бүрэн эрхэд хамаарна. ОХУ-аас ирсэн сэтгүүлчдийн амийг хөнөөсөн хэргийн талаар ЮНЕСКО ямар нэгэн байр суурь илэрхийлээгүйг тэрээр тэмдэглээд, Москва "Киевийн дэглэмийн ээлжит бусармаг гэмт хэрэгт" бүх гишүүн орнуудын анхаарлыг хандуулахыг зорьж байна гэжээ.
“Харамсалтай нь бид ЮНЕСКО-гийн Нарийн бичгийн дарга нарын газрын үйл ажиллагаанд давхар стандарт, тухайлбал Дарья Дугина, Владлен Татарскийн аллагад ямар ч хариу үйлдэл үзүүлэхгүй байгааг ажиглаж байна. Бид эдгээр террорист халдлагад анхаарлаа хандуулж, ЮНЕСКО-гийн боломжтой бүх газарт энэ тухай хэлж, Ерөнхий захиралд захидал илгээсэн боловч ямар ч хариу үйлдэл үзүүлээгүй” гэж тэр хэллээ.
Зөвхөн ЮНЕСКО гэлтгүй барууны орнууд Оросын сэтгүүлчдийн амийг хөнөөсөн хэрэгт ямар ч хариу үйлдэл үзүүлэхгүй байгааг байнгын төлөөлөгч тэмдэглэв. Түүний хэлснээр, барууныхан сэтгүүлчдийн аюулгүй байдлын төлөө "санаа зовж" байгаа нь цэвэр хоёр нүүр гаргаж байгаа нь үнэн хэрэгтээ Киевт болсон террорист халдлагыг хамтран зохион байгуулж, ивээн тэтгэж байгаа явдал юм.
Тодотгоход 7-р сарын 22-нд цэргийн сурвалжлагч Ростислав Журавлев нас барсан тухай РИА Новости мэдээлсэн. Запорожье мужийн даргын үүрэг гүйцэтгэгч Евгений Балицкийн хэлснээр сэтгүүлч Украины Зэвсэгт хүчнийхэн энгийн иргэний машиныг буудах үеэр амиа алдсан байна. Мөн тус агентлагийн гэрэл зургийн сурвалжлагч Константин Михалчевский, "Известия" сонины сурвалжлагч Роман Полшаков, телевизийн зураглаач Дмитрий Шиков нар шархадсан юм.
Эх сурвалж: Лента.ру
