ОХУ-ын Ерөнхийлөгч Владимир Путин Киевийн сөрөг довтолгоо амжилтгүй болсныг зарлав. Тэрбээр энэ сэдвээр Беларусийн ерөнхийлөгч Александр Лукашенкотой хийсэн хэлэлцээний үеэр ярьсан байна.
Беларусийн удирдагчийн "Сөрөг довтолгоо байхгүй болсон уу" гэж асуултад Путин “Байгаа ч бүтэлгүйтсэн” гэж тодотгов.
Барууны их хэмжээний техник хэрэгсэл устгагдсаныг Оросын удирдагч мөн тэмдэглэв.
Лукашенко мөн Украиныг задлахыг хүлээн зөвшөөрөх боломжгүй гэж мэдэгдэв. "Баруун Украиныг салгах, улмаар Украиныг задлах нь бидний хувьд хүлээн зөвшөөрөх зүйл биш!" гэж тэр онцлов. Хоёр удирдагчийн уулзалт долдугаар сарын 23-нд Санкт-Петербург хотын ойролцоох Стрельна дахь Константиновскийн ордонд болсон юм.
Өмнө нь буюу долдугаар сарын 21-нд Украины Ерөнхийлөгч Владимир Зеленский өөрөө барууны орнуудаас Киевт зэвсгийн нийлүүлэлт удаашралтай байгаагаас сөрөг довтолгоо маш хүндрэлтэй болж байгааг хүлээн зөвшөөрсөн. Түүний хэлснээр Киевийн эрх баригчид сөрөг довтолгоонд бэлтгэхэд шаардагдах хугацааг тооцоогүй байна гэжээ.
Мөн өдөр Путин Украины сөрөг довтолгоо үр дүнд хүрээгүй гэж тэмдэглэжээ. Түүний хэлснээр, Киевийн дэглэмд оруулсан асар их нөөц, барууны зэвсэг, танк, их буу, хуягт машин, пуужингийн нийлүүлэлт Украины Зэвсэгт хүчинд тус болсонгүй,болох ч үгүй.гэж онцолсон байна.
ОХУ-ын Ерөнхийлөгчийн 2022 оны хоёрдугаар сарын 24-нд зарласан Донбассыг хамгаалах тусгай ажиллагаа үргэлжилж байна. Украины арми тус бүс нутгийг үргэлжлэн буудаж байсны улмаас бүс нутгийн байдал хурцадсантай холбогдуулан Путин ийм шийдвэр гаргасан байна.
Эх сурьалж: Iz.ru
