"Барууны эрх баригчид Украины сөрөг ажиллагаа удаашралтай явагдаж байгаад түгшиж байна" гэж тэмдэглэжээ. Харин үүний хариуд Украины Ерөнхийлөгч Владимир Зеленский Оросын армийн эсрэг сөрөг довтолгоо "эрч хүчээ авна" гэж барууны холбоотнууддаа амалсан тухай Financial Times мэдээлжээ
Украины удирдагч дөрвөн өдрийн турш үргэлжилсэн Аспен аюулгүй байдлын форумын үеэр олон улсын аюулгүй байдлын удирдагчидтай видео холболтоор ярьж, Украины сөрөг довтолгооны хурдын талаар хэлэлцсэн байна.
Зеленскийн хэлснээр тэд ердөө долоо хоногийн өмнө буюу Киевийн төсөөлж байснаас хамаагүй хожуу Оросын цэргүүдийг Украинаас шахаж эхэлжээ. Учир нь үүнээс өмнө Украины Зэвсэгт хүчинд шаардлагатай хэмжээний сум, зэвсэг, бэлтгэлтэй цэрэг, хүчин байгаагүй.
Ажиллагаа эхлэхийг ингэж албадан хойшлуулсан нь Орост шаардлагатай газар нутгаа минажуулж, хамгаалалтын шугам барих боломжийг олгосон.
Гэсэн хэдий ч фронт дахь динамик өөрчлөгдөх гэж байна гэж Зеленский сануулж, холбоотнууддаа алсын тусгалын пуужингийн нийлүүлэлтийг эрчимжүүлж, Украиныг орчин үеийн сөнөөгч онгоцоор хангах хүсэлтийг дахин давтжээ.
АНУ-ын Үндэсний аюулгүй байдлын зөвлөх Жейк Салливан чуулга уулзалтын үеэр хэлэхдээ, Киев хүчээ бүрэн дайчлахад л Украины цэргийн хүчин чармайлтын үр дүн тодорхой болно гэжээ.
Эх сурвалж:ВВС
