- Вагнерын цэргүүд болон удирдагч Пригожин Беларусьт очив
- Беларусийн арми Вагнерын бүлгэмтэй хамтарсан цэргийн сургуулилт хийнэ
- Польш улс нөхцөл байдлыг ажиглаж байна гэв
Беларусийн арми Вагнерын бүлгэмтэй хамт НАТО-ийн гишүүн орон болох Польшийн хилийн ойролцоо сургуулилт хийнэ гэдгийг Беларусийн Батлан хамгаалах яамнаас мэдэгдлээ.
ОХУ дахь бослогын дараа Вагнер бүлгэмийн цэргүүд Беларусь руу очсон юм. Лхагва гарагт Беларусийн нутагт Евгений Пригожин Вагнерын цэргүүдээ угтан авч “Тавтай морил нөхөд өө” хэмээн мэндчилж буй бичлэг цахимд цацагдав.
Беларусийн Батлан хамгаалахын сайд Виктор Хренников “Манай армийн цэргүүд Вагнерын бүлгэмтэй хамтарсан цэргийн сургуулилт хийнэ” гэв. Тэрбээр өмнө нь Ерөнхийлөгч Лукашенкод Вагнерийн цэргүүдийг Беларусийн армид элсүүлэх хүсэлтэй байгаагаа илэрхийлж байсан.
Тус сургуулилт нь Брестскийн сургуулилтын талбайд явагдах бөгөөд хэзээ эхлэх нь одоогоор тодорхойгүй байна. Харин Польш улс хилийн хамгаалалтаа чангатгасан бөгөөд нөхцөл байдлыг ажиглаж буйг Ройтерс агентлаг мэдээллээ.
Эх сурвалж: CNN
