Усархаг бороо орсны улмаас Баян-Өлгий аймагт 55 айлын хашаа, байшин усанд автжээ.
Баян-Өлгий аймгийн Өлгий сумын 07.18-ны өдрийн 22:40 цагаас 20 минут орчим түр зуурын усархаг бороо орсны улмаас Их булан, Бөхөн-Уул, Цагаан-Эрэг, Ногоон багийн зарим айл өрхүүд усанд автсан тухай дуудлагыг 07.18-ны өдрийн 23:00 цагт хүлээн авсан. Тус аймгийн Онцгой байдлын газрын 2 алба хаагчид нийт 55 айлын хашаа, байшин усанд автсан байсныг усыг соруулан гаргах арга хэмжээ авч ажиллаж байна.