Францын өмнөд хэсэгт нар жаргаж байна. Гэсэн хэдий ч шөнө халуун төдийлөн буурахгүй байна
Дэлхийн цаг уурын байгууллагаас хэт халалтын оргил үе хараахан болоогүй байгаа бөгөөд ирэх наймдугаар сард үргэлжлэх төлөвтэй байгааг анхааруулж байна.
Дэлхийн хэд хэдэн улс орон хэвийн бус хэт халуунд нэрвэгдсээр байна. Үүнээс гадна Европын өмнөд хэсэгт, түүнчлэн АНУ, Хятадад гаарын температур +50 хэмээс дээш өгссөн байна. Долоо хоногийн дунд үе хүртэл агаарын температур нэмэгдэнэ гэж цаг уурчид үзэж байна.
Италийн Сардиний өмнөд хэсэгт лхагва гариг гэхэд 46 хэмийн температур бүртгэгдэх төлөвтэй байна. Эх газрын Италийн өмнөд хэсгээр хамгийн ихдээ 43°С байх төлөвтэй байна.
Хамгийн сүүлийн үеийн урьдчилсан мэдээгээр Испанийн өмнөд хэсэгт хамгийн их температур 46 хэм, Францын өмнөд хэсгээр 40 хэм хүрнэ.
Европын температурын газрын зураг. Хамгийн өндөр +40 градусаас дээш температурийг нил ягаан өнгөөр тэмдэглэжээ
АНУ-ын баруун өмнөд хэсэгт мөн халууны давалгаа давамгайлж байгаа бөгөөд цаг уурчид тус улсын 38 хотод хэт халууны өмнөх рекорд үзүүлэлт эвдэгдэж болзошгүйг анхааруулж байна.
Ням гарагт Невада мужийн Лас Вегас хотод агаарын температур 46.6 хэмд хүрсэн гэж Үндэсний цаг уурын албаны мэдээлэв. Энэ долоо хоногт 45 хэм хүртэл бага зэрэг буурна. Гэхдээ энэ нь тайвшрах хэмжээ биш.
Аризонагийн Финикс хотод агаарын температур 47.2 хэмд хүрч дээд амжилт тогтоох төлөвтэй байна. Түүнчлэн ням гаригт манай гарагийн хамгийн дулаан газруудын нэг болох Калифорнийн Үхлийн хөндий хэмээн нэрлэгддэг газарт 53,9 хэм бүртгэгдлээ.
Дашрамд тодотгоход, ажиглалтын түүхэн дэх хамгийн өндөр температур Үхлийн хөндийд бүртгэгдсэн бөгөөд 1911 онд энд 56.7 хэмийн халуун болж байжээ.
Энэ халууны гол асуудал нь өдрийн цагаар агаарын температур өндөр өсч байгаад биш, харин шөнөдөө хангалттай буурахгүй байгаад байна гэж Америкийн мэргэжилтнүүд үзэж байна.
Ойрын хоногтоо Аризонагийн температур шөнөдөө 32 хэмээс доош буухгүй байх төлөвтэй байна.
Өнгөрөгч Ням гарагт Хятад улс түүхэн дэх хамгийн халууны температурыг бүртгэв. Тухайлбал, Шинжаан мужид агаарын температур 52.2 хэмд хүрсэн тухай Британийн цаг уурын төвөөс мэдээллээ.
Өмнөд Солонгост цаг агаарын эрс тэс уур амьсгалын улмаас аадар бороо орж, хөрсний гулгалт, үерийн гамшиг тохиолдсон бол Японд 60 гаруй хүн халуунд цохиулжээ.
2018 онд Кумагаяа хотод Японы арлуудын дээд температур (41.1°C) бүртгэгдсэн байна. Энэ зун өмнөх энэ рекордыг эвдэж магадгүй байна.
Хэт халууны төгсгөл хараахан харагдахгүй байна
Газар дундын тэнгисийн бүс нутагт тогтсон халуун энэ долоо хоногийн дунд үеэс эрчимжиж, наймдугаар сар хүртэл үргэлжлэхийг Дэлхийн цаг уурын байгууллагаас анхааруулж байна.
Түүнчлэн Мароккод ирэх долоо хоногт агаарын температур 49 хэм хүртэл нэмэгдэж магадгүй байна.
Эмийн сангийн тэмдэг дээрх агаарын температур. Энэ зургийг 7-р сарын 17-нд Ромын гудамжинд авчээ
Тэнгисийн цэргийн хүчний мэдэгдэлд Өмнөд Европт ажиглагдсан хэт температур Хойд Африкаас ирсэн гэжээ. Энэ нь тус бүс нутгийн жилийн дундаж температурыг 5 хэмээр нэмэгдүүлэх боломжтой.
Орон гэргүй хүмүүст зориулсан хоргодох байр
Өдрийн энэ цагт их халж байгаагаас Мадрид болон түүний захын гудамжууд үдээс хойш бараг хоосон байна. Испанийн нийслэлийн Захирагчийн албанаас халуунд ажиллах журмын дагуу 14:00-17:00 цаг хүртэл гудамж талбайн цэвэрлэгээг түр зогсоолоо. Үүнээс гадна агааржуулагчгүй машинуудыг хөдөлгөөнд оролцохыг хоиглоод байна. .
Мөн хотын удирдлагууд гэр бүлийн хүчирхийлэлд өртсөн иргэд болон орон гэргүй хүмүүст зориулан хоргодох байр нээжээ.
Урьдчилсан мэдээгээр, Мадридад ойрын ирээдүйд агаарын температур 41 хэм хүртэл нэмэгдсэн нь өнгөрсөн ням гарагаас таван хэмээр өндөр байна.
Эх сурвалж: ВВС
