Хамтарсан сургуулилалтын хүрээнд Хятадын цэргийн эскадриль Японы тэнгис дэх Оросын тэнгисийн болон агаарын хүчинтэй нэгдэнэ. Маневрууд нь "далайн стратегийн замын аюулгүй байдлыг хангах" зорилготой гэж Хятадын Батлан хамгаалах яамнаас иш татан Reuters мэдээлэв.
Хятадын таван байлдааны хөлөг онгоц, дөрвөн нисдэг тэрэгтэй эскадриль Чиндао боомтоос гарч, Оросын цэргүүдтэй урьдчилан тогтоосон бүсэд уулзана гэж тус яам мэдэгдэв. Ажиглагчдын мэдээлснээр Оросын арми ийм сургуулилтад анх удаа оролцож байна.
Сургуулилтад оролцож буй Оросын хоёр байлдааны "Громкий" болон "Совершенный" хөлөг онгоц өмнө нь Шанхайд Хятадын флоттой тус тусад нь сургуулилт хийж байсан юм.
2022 оны 2-р сард Орос улс Украинд довтлохоос хэдхэн хоногийн өмнө Ерөнхийлөгч Владимир Путин, БНХАУ-ын дарга Ши Жиньпин нар АНУ-ын нөлөөг эсэргүүцэх зорилготой "хил хязгааргүй" түншлэлээ зарласан юм.
Хятадын Батлан хамгаалахын сайд Ли Шанфу 7-р сард Бээжинд Оросын Тэнгисийн цэргийн хүчний тэргүүн адмирал Николай Евменовтой уулзахдаа хоёр тал цэргийн харилцаагаа бэхжүүлэхийн төлөө байгаагаа дахин нотолсон. Хятадын нэгдсэн штабын ерөнхий командлагч Лю Жэнли, ОХУ-ын Зэвсэгт хүчний штабын дарга Валерий Герасимов нар 6-р сард болсон видео хурлын үеэр мөн үүнтэй төстэй мэдэгдлийг хийжээ.
Хятад, Орос хоёр өнгөрсөн онд зургаан удаа хамтарсан цэргийн сургуулилт хийсэн. Сүүлийн хорин жилд олон удаагийн сургуулилтыг ганцхан жилд хийж байгаагүй юм гэж АНУ-ын Үндэсний батлан хамгаалахын их сургуулийн Хятадын цэргийн асуудлыг судлах төв тодотгов.
Эх сурвалж: Мoscowtimes.ru
