Даваа гарагийн шөнө Крымын гүүрэн дээр дэлбэрэлт болжээ. Үүний улмаас хоёр хүн нас барж, гүүрэн дээрх хөдөлгөөнийг түр зогсоов. Украины Аюулгүйн албаны нэрээ нууцалсан эх сурвалж далайн дрон ашигласан тусгай ажиллагааны талаар ярьжээ. Москва Киевийг буруутгаж байгаа ч Украины эрх баригчид халдлагын хариуцлагыг албан ёсоор хүлээн зөвшөөрөөгүй байна.
Юу болов?
Анх Крымын эрх баригчид Кубанаас Крымын гүүрний 145-р баганын хэсэгт "онцгой байдал" бий болсон талаар мэдээлэв. Яг юу болсныг тодорхойхэлсэнгүй.
Орон нутгийн эх сурвалжууд хоёр удаа хүчтэй дэлбэрэлт болсон тухай мэдээлсэн бөгөөд Telegram сувгуудаар нийтлэгдсэн гэрэл зургуудаас харахад гүүрний хоёр хэсэг ноцтой эвдэрсэн байна. ОХУ-ын Мөрдөн байцаах хороо халдлагад эрүүгийн хэрэг үүсгэсэн. Терроризмын эсрэг үндэсний хороо гүүр рүү нисгэгчгүй хоёр онгоц дайрсан гэж мэдэгдэв.
Дэлбэрэлтийн улмаас Белгород мужийн гэрлэсэн хос амь үрэгдэж, 14 настай охин нь хүнд бэртэж, эмнэлэгт хүргэгджээ.
Энэ нь Украинд дайн эхэлснээс хойш Крымийн хойгийн гүүрэн дээр гарсан хоёр дахь томоохон хэрэг юм. Өмнөх хэрэг өнгөрсөн оны аравдугаар сард болж байв.
Халдлагын талаар Украинчууд юу ярив
Гүүрэнд болсон халдлагыг Украины эрх баригчид албан ёсоор хүлээгээгүй байна. Гэвч Крымын гүүр рүү шөнийн цагаар халдлага үйлдсэн нь Украины Зэвсэгт хүчин, тэнгисийн цэргийн хүчний тусгай ажиллагаа гэж ВВС-ийн эх сурвалж мэдэгдэв.
“Гүүрийг нисгэгчгүй онгоцоор дайрсан. Гүүр хүрэх нь хэцүү байсан ч эцсийн дүндээ хүрч чадсан” гэж эх сурвалж хэлэв.
Украины Ерөнхийлөгчийн Тамгын газрын даргын зөвлөх Михайло Подоляк болсон явдлын талаар “Оросын үй олноор хөнөөх хэрэгслийг тээвэрлэхэд ашигласан аливаа хууль бус байгууламж устгасан шалтгаанаас үл хамааран богино настай" гэжээ.
Украины Тагнуулын ерөнхий газрын төлөөлөгч Андрей Юсов хэвлэлд өгсөн тайлбартаа, гүүрний нэг хэсэг сүйрсний улмаас Украин дахь Оросын арми ложистикийн асуудалтай тулгарна гэж тэмдэглэжээ.
“Оросууд тус хойгийг Украины нутаг дэвсгэрт цэргийн хүч, эд хөрөнгө шилжүүлэх томоохон ложистикийн төв болгон ашигладаг. Мэдээжийн хэрэг, ложистикийн аливаа асуудал нь түрэмгийлэгчдийн хувьд нэмэлт хүндрэл болно" гэж Юсов хэлэв.
Эх сурвалж: ВВС
