ОХУ-ын Свердловск мужийн төв Екатеринбург хотноо Хятад, Оросын 7 дахь экспо долдугаар сарын 11-нд албан ёсоор эхлэн, үргэлжилж байна. Энэ удаагийн экспо нь Хятадын талаас үзэсгэлэнд оролцогчдын тоо болон Орос дахь лангууны талбайн хувьд урьд өмнө байгаагүй хамгийн том үзэсгэлэн болж байна. Хятадаас Орост суугаа Онц бөгөөд Бүрэн Эрхт Элчин сайд Жан Ханьхуй экспогийн нээлтийн ёслол дээр хэлэхдээ, “Хоёр орны төрийн тэргүүний стратегийн удирдлага дор Хятад, Оросын харилцаа түүхэн дэх хамгийн сайхан үедээ орлоо. Хятад-Оросын экспо бол хоёр орны эдийн засаг худалдааны хамтын ажиллагааг хөгжүүлэх чухал индэр бөгөөд энэ удаагийн экспо хоёр орны орон нутаг, аж ахуйн нэгж хоорондын солилцоо хамтын ажиллагааг ахиулахад үргэлжлэн идэвхтэй үүрэг гүйцэтгэнэ гэдэгт итгэж байна” гэжээ.
Харин ОХУ-ын Аж үйлдвэр, худалдааны дэд сайд Груздев нээлтийн ёслол дээр хэлэхдээ, “Орос, Хятад хоёр орон цар тахлын сорилтыг хамтдаа туулсан. Өнөөдөр хоёр тал эдийн засаг худалдааны хамтын ажиллагаагаа цаашид хөгжүүлэхийн төлөө хүчин зүтгэж байна. Орос-Хятадын экспоны олон төрлийн арга хэмжээ нь хоёр орны орон нутаг, аж ахуйн нэгжүүдийн харилцаа холбоог бэхжүүлж, хамтын ажиллагааг хөгжүүлэх түлхэц өгнө" гэв.
