Хувийн цэргийн компаниудын статусын асуудлыг авч үзэх ёстой боловч "Вагнер" хувийн арми өнөөг хүртэл хуулийн этгээд байгаагүй" гэж Кремлийн хэвлэлийн төлөөлөгч Дмитрий Песков мэдэгдэв. Тэрээр "Эрх зүйн байдлын нарийн төвөгтэй асуудлыг судлах шаардлагатай" гэж нэмж хэлэв.
Бослого гаргаснаас хойш тав хоногийн дараа Кремльд болсон Евгений Пригожин болон түүний "Вагнер"-ын хөлсний цэргүүдийн командлагч нартай хийсэн уулзалт дээр ерөнхийлөгч Путин "Вагнер" хувийн арми гэж албан ёсоор байхгүй! Байх ч боломжгүй. Учир нь манайд хувийн цэргийн байгууллагын тухай хууль байхгүй" гэж хэлсэн байдаг. Тэр цааш үргэлжлүүлэн “Цэргийн бүлэглэл байдаг ч хуулийн этгээдийн статусгүй байдаг ” гэсэн тайлбар хийсэн.
Кремлийн хэвлэлийн төлөөлөгч ч Путины дээрх үгийг давтав.
Тиймээс "Вагнер"-ыг энэ он жилүүдийн турш хуулийн гадна байсан бөгөөд хууль зүйн үүднээс авч үзэх юм бол хувийн цэргийн компаниуд Орост оршин тогтнох боломжгүй юм.
Үүний зэрэгцээ, Кремль сүүлийн жилүүдэд үгүйсгэж байсан ч хөлсний цэргүүдийн халамжийг "төрөөс бүрэн хангасан" гэж Путин өмнө нь хэлсэн. Тэр "Батлан хамгаалах яамны болон улсын төсвөөс бид энэ бүлгийг бүрэн санхүүжүүлсэн" гэж ерөнхийлөгч мэдэгджээ.
Путины хэлснээр, "Вагнер"-ийн дайчдад 2022 оны тавдугаар сараас 2023 оны тавдугаар сар хүртэл 86 тэрбум орчим рублийн цалин, урамшуулал, бусад төлбөр, дээр нь 110 тэрбум орчим рублийн даатгалын төлбөрийг гэмтсэн хүмүүс болон нас барсан хүмүүсийн ар гэрийнхэнд олгосон бололтой.
Эх сурвалж: ВВС
