Цагаан ордон "ATACMS" оператив-тактикийн пуужингуудыг Украинд шилжүүлэх боломжийг хэлэлцэж байна гэж Нью Йорк Таймс сонин мэдээлэв. Энэ нь сүүлийн саруудад гарсан анхны ийм мессеж биш юм. Мэдээжийн хэрэг, хэрэв ийм алхам хийвэл Украин Оросын нутгийн гүн рүү ар тал дахь байг нь устгах пуужингаар зэвсэглэнэ гэсэн үг.
Гэхдээ энэ хэлэлцүүлгийн үр дүнг урьдчилан таамаглахад хэцүү ч энэ асуудлаар эцсийн сөрөг шийдвэр гараагүй байгаа нь ийм пуужинг Украинд шилжүүлэх боломжтойг харуулж байна.
Украинчууд ийм зэвсэглэлийг өнгөрсөн зунаас гуйж байгаа. АНУ-аас авахыг хүсч буй зэвсгийн жагсаалтын эхэнд ATACMS-ыг F-16 сөнөөгч онгоцны хамт бичсэн хэвээр байна.
Киев барууны орнуудаас байлдааны танк болон орчин үеийн агаарын довтолгооноос хамгаалах системийг хэдийнэ аваад байна.
Эцэст нь Украины Зэвсэгт хүчин Их Британиас 250 км-ийн тусгалтай "Storm Shadow" далавчит пуужингуудыг хүлээн авч байгаа бөгөөд мягмар гарагт Франц улс энэхүү зэвсгийн SCALP нэртэй хувилбараа нийлүүлэхээр төлөвлөж байгаагаа зарлав. SCALP 200 км-ээс дээш тусгалтай пуужин юм.Украин ингэж алсын тусгалтай пуужингаар армиа зэвсэглэж байгаа нь тэдний гар эсрэг талынхаа гүнд хүрэх боломжийг олгож буй хэрэг юм.
Үйл ажиллагааны-тактикийн пуужингуудыг фронтын ажиллагааны нэг хэсэг болох зорилтот бай, тухайлбал штаб, холбооны төв, агуулах, их бууны болон агаарын довтолгооноос хамгаалах байр, нисэх онгоцны буудал, гүүр зэрэгт цохилт өгөх зорилгоор анх бүтээгдсэн.
ATACMS-ийг тодотгохуй
ATACMS-ийг 1970-аад оны сүүлчээс боловсруулж эхэлсэн бөгөөд дараагийн арван жилийн эцсээр АНУ-ын армид нэвтэрч эхэлсэн. Тус пуужинг 1991 онд "Цөлийн шуурга" ажиллагааны үеэр анх ашигласан бөгөөд маш үр дүнтэй зэвсэг болохоо харуулсан.
ATAСMS пуужинг хөөргөх систем буюу GMLRS
Үүний хоёр төрлийг нэрлэж болно. Эхнийх нь гүүр, бункер гэх мэт хатуу байг устгах чадвартай байлдааны хошуутай пуужин, удаах нь харьцангуй их талбай дахь дээрх хуяггүй байг устгах зориулалттай кластер хошуутай пуужингууд гэж.
ATACMS хэд хэдэн удаа шинэчлэгдсэн. Тэдний шинж чанар нь маш их ялгаатай. Зарим нь 200 км-ээс бага зайд зориулагдсан байдаг. Байлдааны хошууны жин мөн 227-560 кг хооронд хэлбэлздэг.
Өөр өөр өөрчлөлтүүд нь янз бүрийн удирдлагын системтэй бөгөөд ихэвчлэн хосолсон байдаг.
Пуужингийн "тааз" буюу нислэгийн замын хамгийн өндөр цэг нь 48 километрт хүрч байгаа нь нислэгийн замын явцад түүнийг саатуулахад ихээхэн хүндрэл учруулж байна. Төгсгөлд нь пуужин зорилтот цэг дээр бараг босоо тэнхлэгээр унадаг.
ATACMS нь бусад орчин үеийн баллистик пуужингийн нэгэн адил саатуулахад нэлээд хэцүү байдаг. Үүнд орчин үеийн зенитийн пуужингийн систем шаардлагатай.
Эх сурвалж: ВВС
