Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр наадмын шагайн харвааны тэмцээнд нийт 17 аймгийн 68 баг, нийслэлээс 14 баг, Европ тивээс нэг баг гээд нийт 83 багийн 652 харваач цэц мэргэнээ сорин нааджээ. Үүнээс тэргүүн байрт Монгол Улсын хошой мэргэн Чойжилийн Буянжаргал ахлагчтай Өмнөговь аймгийн "Алтанговь транс" баг шалгарсан юм.
