АН-ын эргэлтийн сонгуульд нэр дэвшигчдийг өнөөдөр танилцуулж, үнэмлэхээ гардууллаа. Энэ удаагийн эргэлтийн сонгууль 123 суудал байгаа ба маргааш буюу 2022.05.17-ны өдрөөс эхлэн нэр дэвшигчид сонгуулийн сурталчилгаагаа хийж эхлэх юм.
АН-ын ҮБХ нь нийт 304 гишүүнтэй. Үүнээс 76-аас доошгүй нь 30 хүртэлх насны залуучууд, мөн 76-аас доошгүй нь эмэгтэйчүүд байх ёстой аж.
Энэ үеэр АН-ын дарга С.Эрдэнэ "АН-ын ҮБХ өнөөдөр шинэ бүрэлдэхүүнээр бүрдлээ. Бид сонгуулийн дүн гарсны дараа ҮБХ-ны нийт бүрэлдэхүүний 80 гаруй хувь нь бүрдэх бололцоотой болно гэсэн тооцоог гаргаж байгаа. Ингэснээр АН-ын ҮБХ үйл ажиллагаагаа явуулах бүрэн чадамжтай болох юм.Мөн нэр дэвшигчид маань өөрсдийн тойрогтоо биечлэн очих ёстой" гэлээ.
