Ардын хувьсгалын 102 жилийн ой, Үндэсний их баяр наадам эхлэхэд нэгхэн өдөр үлдээд байна. Харин бөхийн барилдаан нөгөөдөр буюу долоодугаар сарын 11-ний өдөр эхэлнэ.
Тэгвэл улсын наадмаар зодоглох 512 бөхийг бүртгэж эхлээд байгаа бөгөөд өнөөдөр улсын аварга Оргихын Хангай барилдахаар албан ёсоор бүртгүүллээ.
Түүний хувьд өнгөрсөн жил буюу Ардын хувьсгалын 100, 101 жилийн ойн 1024 бөхийн барилдаанд 10 даван түрүүлж наадамчин олон болон Ховд нутгийнханаа цэнгүүлсэн. Энэ жилийн тухайд ч түүнийг түрүүлэх боломжтой бөхчүүдийн эгнээнд зүй ёсоор багтаж буй хэмээн бөхийн хорхойтнууд таамаглаж буй юм.
