Энэ сарын 10-ны өдөр буюу ирэх даваа гарагт амрах, ажиллах эсэх асуудал иргэдийн дунд үүслээ. Учир нь Нийтээр тэмдэглэх баярын болон тэмдэглэлт өдрүүд, тэдгээрийг тэмдэглэн өнгөрүүлэх болон Хөдөлмөрийн тухай хуульд эл өдрийг амарна, амрахгүй гэх хоёр өөр агуулга бүхий заалт бий.
Тодруулбал,
- Нийтээр тэмдэглэх баярын болон тэмдэглэлт өдрүүд, тэдгээрийг тэмдэглэн өнгөрүүлэх тухай хуулийн 4.1.1-д хуульд өөрөөр заагаагүй бол Үндэсний баяр наадам, Ардын хувьсгалын ойн баярыг долоодугаар сарын 10-15-ны
- Хөдөлмөрийн тухай хуулийн 97.1.6-д Үндэсний их баяр наадам, Ардын хувьсгалын ойн баяр долоодугаар сарын 11-15-ны өдрүүдэд амарна хэмээн заажээ.
2022 оныг хүртэл Нийтээр тэмдэглэх баярын болон тэмдэглэлт өдрүүдийн тухай хуульд зургаадугаар сарын 28-ны өдөр нэмэлт өөрчлөлт оруулсан юм. Ингэхдээ Нийтээр тэмдэглэх баярын болон тэмдэглэлт өдрийн "11" гэсний өмнө "10" хэмээн нэмж шийдвэрлэсэн УИХ-ын дарга Г.Занданшатарын баталсан төсөл бий. /ЭНД дарж танилцана уу/
Энэ үеэр бусад хуульд дагалдах нэмэлт хуулийн төслийг оруулаагүй явдал нь өнөөдрийн хуулийн төслийн зөрүүтэй байдлыг бий болгосон хэрэг.
Улмаар өнгөрсөн долоо хоногийн баасан гараг буюу зургаадугаар сарын 30-ны өдрийн чуулганаар Хөдөлмөрийн тухай хуульд долоодугаар сарын 10-ны өдрийг бүх нийтийн амралтын өдөр болгох заалтыг УИХ-аар оруулж хэлэлцсэн юм. Улмаар гишүүдийн олонх дэмжиж, анхны хэлэлцүүлэгт бэлтгэхээр Төрийн байгуулалтын байнгын хороонд шилжүүлсэн юм.
Тэгвэл Хөдөлмөрийн тухай хуульд нэмэлт өөрчлөлт оруулах тухай хуулийн төсөл Наадмын баяраас өмнө батлагдахгүй бол аль хуулийг сонгох нь чухал.
Ийм нөхцөл байдалд аль хуульд нь нэмэлт өөрчлөлт хамгийн сүүлд орсон байна, тухайн хуулийг мөрдөх ажээ.
Тиймээс Хөдөлмөрийн тухай хуулийг барьж явах бус Нийтээр тэмдэглэх баярын тухай хуулийн дагуу энэ сарын 10-ны өдөр амрах юм. Ингэснээр энэ жилийн баярын өдрөөр 8-ны өдрөөс эхлээд ес хоногийн турш амрах билээ.