Бид усны инженер Г.Энх-Өлзийгөөс үүсээд байгаа нөхцөл байдлын талаар тодруулга авлаа.
Усны инженер Г.Энх-Өлзий:
-1990-ээд онд усны аж ахуйн газар, институт гэж байсан. Гэтэл тэр бүхнийгээ татан буулгаад, бүхнийг зоосны нүхээр харсны гай өнөөдөр тохиож байна. Энэ удаагийнх бол их биш бага үер. Гэтэл ийм нөхцөлд хүрч байна. Усны далан, шуудууг хүмүүс зүгээр нэг овоолсон шороо мэт хараад байдаг. Гэтэл эд чинь маш олон жилийн тооцоо, судалгааны үндсэн дээр хийдэг Улаанбаатар хотын үдсэн хөрөнгө шүү дээ уг нь. Гэтэл үүнийг зоосны нүхээр хараад барилга барьж байгаагийн л гай. Би тухайн үед нь зөндөө л хэлж байсан, хэн ч тоогоогүй.
Байгаль бол 10-20, 60-70 жилийн давтамжтайгаар өөрийнхөө голдирлоо ашигладаг юм. Хүмүүс үүнийг ерөөсөө ойлгодоггүй. Усны шинжлэх ухаан бол бүх шинжлэх ухааны цогц шүү дээ. Маш нарийн тооцоолж байж усны барилга байгууламжийг гаргадаг. Үүнийг огт тоодоггүй. Боомтын сайд томилж байхын оронд усны аж ахуйн яам байгуулах хэрэгтэй шүү дээ!
Улаанбаатар хот үерт автаж байгаа асуудал бол ямар ч шинжлэх ухааны үндэслэлгүйгээр улс орныг удирдаж байгаа хүмүүсийн хийсэн гай!
