УИХ-ын чуулганы нэгдсэн хуралдааны үеэр Д.Ганбат гишүүн байр сууриа илэрхийлэв.
Тэрбээр “Улс орон маань авлигад живж байгаа усан онгоц шиг байна. Та нар бүх зүйл сайн сайхан байгаа юм шиг хурал, зөвлөгөөн хийж худлаа амлалтуудаа яриад яваад байсан. Зүгээр шиврээ бороонд олон мянган айл гэрэл цахилгаангүй болж, гэр орондоо хонож чадахгүй боллоо.
Улсын нийслэл маань өтгөн шингэндээ холилдлоо. МАН буюу Монголын авлигачдын намынхан юу нь баяр, юу нь наадам бэ. Яагаад ийм байдалд оров. Өчнөөн их наядын төсөв тавиад байхад яагаад бэлтгэлгүй байгаа юм. Шүүхийг буруутгаад байна. Та нарын эрх баригчдын дохио зангаагаар явдаг л шүүх шүү дээ. Хамгийн их эрх мэдэлтэй, хамгийн их мөнгөтэй Засгийн газар ажлаа хий.
УИХ-ын гишүүд бүлх залгисан юм шиг дуугүй сууж болохгүй ээ. Авлига амьдралд яаж нөлөөлдгийг Улаанбаатарын өнөөдрийн нөхцөл байдал харуулж байна шүү. Би хотоос сонгогдоогүй гэхдээ та нар ингэж хөлдүү царайлаад дуугүй сууж болохгүй” гэлээ.
