![](http://hardnews.mn/wp-content/uploads/2022/05/6281bb3333e0f.jpeg)
epa09312433 A photo released by the official North Korean Central News Agency (KCNA) shows North Korean leader Kim Jong-un speaking during an enlarged meeting of the Political Bureau of the Central Committee of the Workers' Party of Korea (WPK) at the office building of the Party Central Committee in Pyongyang, North Korea, 29 June 2021 (issued 30 June 2021). According to KCNA, Kim Jong-un presided over the meeting to “deal with some leading officials' dereliction of duty in implementing the major policy tasks of the Party and the state and to provide a fresh turning point in the personnel administration within the Party.” EPA/KCNA EDITORIAL USE ONLY
БНАСАУ-ын удирдагч Ким Жөн Ун эмийн сангуудад эм бэлдмэл нийлүүлэх ажлыг шуурхай зохион байгуулахын тулд цэргүүдийг дайчлах үүрэг өгчээ. Энэ талаар "Yonhap" агентлаг Солонгосын төв цахилгаан мэдээний агентлагийн /KCNA/ мэдээллээс эш татан уламжилсан байна.
Тус агентлагийн мэдээлснээр, Солонгосын Хөдөлмөрийн намын Төв хорооны Улс төрийн товчоо тавдугаар сарын 15-нд яаралтай хуралдаж, коронавирусний цар тахлаас урьдчилан сэргийлэх арга хэмжээний талаар хэлэлцсэн байна. Хурлыг Ким Жөн Ун даргалан явуулжээ. Хурлын үеэр тэрбээр Улс төрийн товчооноос бүх эмийн сангуудыг 24 цагийн хуваарьт шилжүүлж, улсын нөөцөөс эм бэлдмэл яаралтай нийлүүлэх” тушаал гаргасан ч энэ шийдвэр зохих ёсоор хэрэгжихгүй байгааг шүүмжилсэн байна.
БНАСАУ-ын удирдагч мөн "Ардын армийн эмнэлгийн том хүчийг оролцуулан Пёньян хотын эм бэлдмэлийн хангамжийг нэн даруй тогтворжуулах" зарлиг гаргасан гэж тэмдэглэжээ.
“Yonhap” агентлагийн мэдээлснээр, өнгөрсөн хоногт БНАСАУ-д коронавирусний халдварын улмаас дахин найман хүн нас барсан байна. Ингэснээр, нас барсан хүний нийт тоо 50 болсон байна. Ням гарагт халуурах шинж тэмдэгтэй 392 920 тохиолдол бүртгэгджээ. Ийм өвчтөнүүдийн нийт тоо 1.21 саяд хүрсэн бөгөөд үүнээс дор хаяж 564 860 нь эмчлүүлж байгаа бол 648 630 гаруй нь бүрэн эдгэрсэн байна.
БНАСАУ-д коронавирусний халдварын анхны тохиолдол илэрсэн тухай KCNA агентлаг тавдугаар сарын 12-нд мэдээлсэн. Үүнтэй холбоотойгоор Солонгосын Хөдөлмөрийн намын Төв Хорооны Улс төрийн товчоо хуралдаж, Ким Жөн Ун оролцсон байна. Тэрбээр бүх хот, мужид хөл хорио тогтоохыг үүрэг болгожээ.
Montsame.mn