Үргэлжлэн орсон борооны улмаас Улаанбаатар хот усанд автаж, үерийн аюултай нөхцөл байдал үүссэн. Үе үеийн хотын дарга нар далан барих ёстой газарт барилга барихыг зөвшөөрч, газрын наймааг цэцэглүүлсний горыг өнөөдөр нийслэлийн иргэд амсаж байна гэж олон нийт шүүмжилж буй. Тэгвэл уг асуудлын талаар хотын дарга асан Э.Бат-Үүл өөрийн цахим хуудсаараа дамжуулан байр сууриа илэрхийлэв.
Тэрбээр "Тэгж ярих юм бол үе үеийн Нийслэлийн засаг дарга нар үерийн далан, байгууламжуудаа хамгаалах их тэмцсэн юм билээ шүү! Газар руу дайрсан олны улс төрийн дарамтыг дийлдэггүй, гаргасан шийдвэрүүд нь шүүх дээр унадаг байсныг байнга л мэдээлдэг байсан даа! Жишээ нь гэхэд л М.Энхболд, Ц.Батбаяр, Г.Мөнхбаяр гээд бүгд л голын сав газрууд,Богд уулын амууд,Яармагийн дэнжээ хамгаалах гээд хүчин мөхсөдсөн л байдаг!" гэжээ.
