НАТО-гийн мэдэгдлийг иш татан Ройтерс агентлагийн мэдээлснээр, НАТО-гийн одоогийн Ерөнхий нарийн бичгийн дарга Йенс Столтенбергийн бүрэн эрхийг 2024 оны 10-р сарын 1 хүртэл сунгахаар тохиролцсон байна.
Тус холбооны гишүүд "босгон дээр дайн болж байгаа" нөхцөлд туршлагатай удирдагчийг үлдээхээр шийдсэн гэж агентлаг тэмдэглэжээ.
Столтенберг 2014 оноос хойш НАТО-гийн Ерөнхий нарийн бичгийн даргаар ажиллаж байгаа бөгөөд түүний хоёр дахь бүрэн эрхийн хугацаа 2022 оны есдүгээр сард дуусах байсан ч Орос Украины эсрэг дайны улмаас нэг жилээр сунгасан юм.
Түүнчлэн Столтенберг шинэ бүрэн эрхийн хугацаанд нэрээ дэвшүүлэх бодолгүй байгаагаа мэдэгдээд байгаа юм.
Дашрамд тодотгоход, Йенс Столтенберг 1959 оны гуравдугаар сарын 16-нд Норвегийн Осло хотод төрсөн. Түүний эцэг тус улсын нэртэй улс төрч, Батлан хамгаалахын болон гадаад хэргийн сайдаар ажиллаж байжээ.
Йенс Столтенберг 2000-2001, 2005-2013 онд Норвегийн Ерөнхий сайд улмаар 2014 оны 10-р сарын 1-ээс хойш НАТО-гийн Ерөнхий нарийн бичгийн даргаар ажиллаж байгаа юм.
Эх сурвалж: ВВС
